INDUSTRIA, INNOVACIÓN E INFRAESTRUTURA

No ODS 9 poden ser metas de referencia local: 9.1, 9.3, 9.4 e 9.C

9.1 Desenvolver infraestruturas fiables, sostibles, resilientes e de calidade, incluídas infraestruturas rexionais e transfronteirizas, para apoiar o desenvolvemento económico e o benestar humano, facendo especial fincapé no acceso alcanzable e equitativo para todos.

9.2 Promover unha industrialización inclusiva e sostible e, de aquí a 2030, aumentar significativamente a contribución da industria ao emprego e ao produto interno bruto, de acordo coas circunstancias nacionais, e duplicar esa contribución nos países menos adiantados.

9.3 Aumentar o acceso das pequenas industrias e doutras empresas, particularmente nos países en desenvolvemento, aos servizos financeiros, incluídos créditos alcanzables, e a súa integración nas cadeas de valor e nos mercados.

9.4 De aquí a 2030, modernizar a infraestrutura e reconverter as industrias para que sexan sostibles, utilizando os recursos con maior eficacia e promovendo a adopción de tecnoloxías e procesos industriais limpos e ambientalmente racionais, e logrando que todos os países tomen medidas de acordo coas súas capacidades respectivas.

9.5 Aumentar a investigación científica e mellorar a capacidade tecnolóxica dos sectores industriais de todos os países, en particular dos países en desenvolvemento, entre outras cousas fomentando a innovación e aumentando considerablemente, de aquí a 2030, o número de persoas que traballan en investigación e desenvolvemento por millón de habitantes e os gastos dos sectores público e privado en investigación e desenvolvemento.

9.A Facilitar o desenvolvemento de infraestruturas sostibles e resilientes nos países en desenvolvemento mediante un maior apoio financeiro, tecnolóxico e técnico aos países africanos, aos países menos adiantados, aos países en desenvolvemento sen litoral e aos pequenos estados insulares en desenvolvemento.

9.B Apoiar o desenvolvemento de tecnoloxías, a investigación e a innovación nacionais nos países en desenvolvemento, incluso garantindo unha contorna normativa propicia á diversificación industrial e á adición de valor aos produtos básicos, entre outras cousas.

9.C Aumentar significativamente o acceso á tecnoloxía da información e ás comunicacións e esforzarse por proporcionar acceso universal e alcanzable a Internet nos países menos adiantados de aquí a 2020.