VIDA DE ECOSISTEMAS TERRESTRES

No ODS 15 poden ser metas de referencia local: 15.1, 15.2, 15.3, 15.4, 15.5, 15.8, 15.9 e 15.A

15.1 Para 2020, velar pola conservación, o restablecemento e o uso sostible dos ecosistemas terrestres e dos ecosistemas interiores de auga doce así como dos servizos que proporcionan, en particular os bosques, as zonas húmidas, as montañas e as zonas áridas, en consonancia coas obrigas contraídas en virtude de acordos internacionais.

15.2 Para 2020, promover a xestión sostible de todo os tipos de bosque, poñer fin á deforestación, recuperar os bosques degradados e incrementar a forestación e a reforestación mundial

15.3 Para 2030, loitar contra a  desertización, rehabilitar as terras e os solos degradados, incluídas as terras afectadas pola desertización, a seca e as inundacións, e procurar lograr un mundo cunha degradación neutra do solo.

15.4 Para 2030, velar pola conservación dos ecosistemas montañosos, incluída a súa diversidade biolóxica, co fin de mellorar a súa capacidade de proporcionar beneficios esenciais para o desenvolvemento sostible.

15.5 Adoptar medidas urxentes e significativas para reducir a degradación dos hábitats naturais, deter a perda da diversidade biolóxica e, para 2020, protexer as especies ameazadas e evitar a súa extinción.

15.6 Promover a participación xusta e equitativa nos beneficios que se deriven da utilización dos recursos xenéticos e promover o acceso adecuado a eses recursos, como se acordou internacionalmente.

15.7 Adoptar medidas urxentes para poñer fin á caza furtiva e ao tráfico de especies protexidas de flora e fauna e abordar a demanda e a oferta ilegais de produtos silvestres.

15.8 Para 2020, adoptar medidas para previr a introdución de especies exóticas invasoras e reducir de forma significativa os seus efectos nos ecosistemas terrestres e acuáticos e controlar ou erradicar as especies prioritarias.

15.9 Para 2020, integrar os valores dos ecosistemas e a diversidade biolóxica na planificación nacional e local, nos procesos de desenvolvemento, nas estratexias de redución da pobreza e na contabilidade.

15.A Mobilizar e aumentar de maneira significativa os recursos financeiros procedentes de todas as fontes para conservar e utilizar de forma sostible a diversidade biolóxica e os ecosistemas.

15.B Mobilizar un volume apreciable de recursos procedentes de todas as fontes e en todos os niveis para financiar a xestión forestal sostible e proporcionar incentivos adecuados aos países en desenvolvemento para que promovan esta xestión, en particular con miras á conservación e á reforestación

15.C Aumentar o apoio mundial á loita contra a caza furtiva e o tráfico de especies protexidas, en particular aumentando a capacidade das comunidades locais para promover oportunidades de subsistencia sostibles.