REDUCIÓN DAS DESIGUALDADES

No ODS 10 poden ser metas de referencia local: 10.2, 10.3, 10.4 e 10.7

10.1 De aquí a 2030, lograr progresivamente e manter o crecemento dos ingresos do 40% máis pobre da poboación a unha taxa superior á media nacional.

10.2 De aquí a 2030, potenciar e promover a inclusión social, económica e política de todas as persoas, independentemente da súa idade, sexo, discapacidade, raza, etnia, orixe, relixión, situación económica ou outra condición.

10.3 Garantir a igualdade de oportunidades e reducir a desigualdade de resultados, incluso eliminando as leis, políticas e prácticas discriminatorias e promovendo lexislacións, políticas e medidas adecuadas a ese respecto.

10.4 Adoptar políticas, especialmente fiscais, salariais e de protección social, e lograr progresivamente unha maior igualdade.

10.5 Mellorar a regulamentación e vixilancia das institucións e dos mercados financeiros mundiais e fortalecer a aplicación deses regulamentos.

10.6 Asegurar unha maior representación e intervención dos países en desenvolvemento nas decisións adoptadas polas institucións económicas e financeiras internacionais para aumentar a eficacia, fiabilidade, rendición de contas e lexitimidade desas institucións.

10.7 Facilitar a migración e a mobilidade ordenadas, seguras, regulares e responsables das persoas, mesmo mediante a aplicación de políticas migratorias planificadas e ben xestionadas.

10.A Aplicar o principio do trato especial e diferenciado para os países en desenvolvemento, en particular os países menos adiantados, consonte os acordos da Organización Mundial do Comercio.

10.B Fomentar a asistencia oficial para o desenvolvemento e as correntes financeiras, incluída o investimento estranxeiro directo, para os estados con maiores necesidades, en particular os países menos adiantados, os países africanos, os pequenos estados insulares en desenvolvemento e os países en desenvolvemento sen litoral, en consonancia cos seus plans e programas nacionais.

10.C De aquí a 2030, reducir a menos do 3% os custos de transacción das remesas dos migrantes e eliminar os corredores de remesas cun custo superior ao 5%.